ધર્મ

ખાસ આજે બધા લોકો જાણો કે કેમ કોઈ પણ બાધા કે શુભ પ્રસંગે નારિયેળનો ઉપયોગ કરવામાં આવે છે, જાણો એક ક્લિક પર…

હિન્દુ ધર્મમાં પૂજા કે શુભ કાર્યમાં અનેક પ્રકારની સામગ્રીનો ઉપયોગ કરવામાં આવતો જ છે. આમાંથી એક નારિયેળ હિન્દુ ધર્મમાં ખૂબ જ મહત્વપૂર્ણ માનવામાં આવતી એક વસ્તુ છે. સનાતન ધર્મમાં નારિયેળને ખૂબ જ પવિત્ર માનવામાં આવતું ફળ છે. એટલા માટે એવું માનવામાં આવે છે કે દેવી-દેવતાઓને નારિયેળ અર્પણ કરવાથી તમામ કષ્ટોનો નાશ થાય છે અને મનોકામનાઓ પૂર્ણ થાય છે. આ સાથે જ જ્યોતિષમાં એવું પણ કહેવામાં આવ્યું છે કે નારિયેળ પાણી ચંદ્રનું પ્રતીક છે. આવો જાણીએ નારિયેળની પૂજાનું મહત્વ અને મહિલાઓ શા માટે નારિયેળ તોડી શકતી નથી.

નાળિયેરમાં ત્રિદેવ નિવાસ કરે છે…
શાસ્ત્રોમાં કહેવાયું છે કે નારિયેળમાં ત્રણેય દેવતાઓ ભગવાન બ્રહ્મા, વિષ્ણુ અને મહેશનો વાસ છે. આપણે બધાએ નારિયેળ પર ત્રણ આંખો જોઈ હશે, જેને ભગવાન શિવના ત્રિનેત્રનું સ્વરૂપ માનવામાં આવે છે. એટલા માટે કોઈપણ ધાર્મિક કાર્યમાં નારિયેળનો ઉપયોગ કરવો જરૂરી માનવામાં આવે છે. શાસ્ત્રોમાં એવું પણ કહેવામાં આવ્યું છે કે ઘરમાં નારિયેળ પાણીનો છંટકાવ કરવાથી બધી નકારાત્મક શક્તિઓ નાશ પામે છે.

એકાક્ષી નારિયેળનું વિશેષ મહત્વ…
હિંદુ ધર્મમાં એકાક્ષી નારિયેળનું વિશેષ મહત્વ માનવામાં આવે છે. તેને દેવી લક્ષ્મી અને ભગવાન વિષ્ણુનું સ્વરૂપ માનવામાં આવે છે. એવું માનવામાં આવે છે કે જે ઘરમાં એકાક્ષી નારિયેળ હોય ત્યાં ક્યારેય પૈસાની કમી નથી હોતી. આ સાથે આવા ઘરમાં અતૂટ લક્ષ્મીનો પણ વાસ હોય છે. શાસ્ત્રોમાં એવું પણ કહેવામાં આવ્યું છે કે ભગવાનને એકાક્ષી નારિયેળ અર્પણ કરવાથી સુખ, ધન અને ઐશ્વર્યની પ્રાપ્તિ થાય છે. આની સાથે જ વ્યક્તિને વેપાર ક્ષેત્રે પણ સફળતા મળે છે.

શા માટે સ્ત્રીઓ નાળિયેર તોડતી નથી…
પ્રાચીન કાળની સનાતન સંસ્કૃતિમાં પશુબલિની પ્રથાને તોડીને નાળિયેર તોડવાની પ્રથા અપનાવવામાં આવી હતી. એટલા માટે નાળિયેર તોડવું એ યજ્ઞ સમાન માનવામાં આવે છે. આ જ કારણ છે કે મહિલાઓને નારિયેળ તોડવાની મનાઈ છે. એવું પણ માનવામાં આવે છે કે નાળિયેર એક બીજ છે અને સ્ત્રી પણ બીજના રૂપમાં બાળકને જન્મ આપે છે. એટલા માટે ખાસ કરીને સગર્ભા સ્ત્રીઓને નાળિયેર તોડતા અટકાવવામાં આવે છે. એવું માનવામાં આવે છે કે ગર્ભાશયમાં ઉછરી રહેલા બાળક પર તેની નકારાત્મક અસર પડે છે. એક પૌરાણિક માન્યતા એવી પણ છે કે ભગવાન વિષ્ણુએ માતા લક્ષ્મી સાથે નારિયેળ પૃથ્વી પર મોકલ્યું હતું. તેથી જ મહિલાઓ માટે નાળિયેર તોડવું વર્જિત માનવામાં આવતું હોય છે.

Back to top button